Amanda Rubinstein nga Vermonti i SHBA-ve, gjatë një dite pazari në lagjen e saj, gjeti një fustan që dikur “rrëmbeu” internetin dhe arriti të rifillonte diskutimet. Përkatësisht, Amanda tregoi në TikTok se si bleu një fustan që në vitin 2015 shkaktoi një ortek diskutimesh në mbarë botën lidhur me ngjyrën e kësaj veshjeje. Ndërsa disa panë një kombinim të ‘gold-it’ dhe të bardhë, të tjerë e panë fustanin blu dhe të zi.
https://www.tiktok.com/@ruby_dubie_doo/video/7427928869446962474
Në video, Rubinstein tregon fustanin blu dhe thotë “e dija që ishte blu”. Pavarësisht se fustani është padyshim një kombinim i këtyre dy ngjyrave – kjo nuk i ka penguar njerëzit që më parë pretendonin se fustani ishte i artë dhe i bardhë që të dyshonin ende në pretendimet se ai është blu dhe i zi. Kështu që Amanda-s iu dha një sërë detyrash për të vërtetuar se çfarë ngjyre ishte dhe ajo e filmoi këtë pjesë të veshjes për përdoruesit e TikTok në mjedise dhe ndriçim të ndryshëm.
@ruby_dubie_doo Replying to @AnnayRodriguez97
Ekspertët e shumtë dhanë shpjegimet e tyre për veshjen e përmendur, por shumica e tyre ranë dakord se arsyeja pse disa panë ngjyra të ndryshme është në fakt mënyra se si truri ynë luan me ne, sepse ai përpunon informacionin për ngjyrat në mënyra të ndryshme. Sytë tanë dërgojnë informacion në tru dhe meqenëse drita ndryshon në intensitet, truri ynë e përpunon atë informacion në mënyra të ndryshme. Për këtë arsye, disa panë një fustan të bardhë-ari, e disa panë një fustan blu-zi.
