Dyshja e njohur Rihanna dhe ASAP Rocky janë bërë prindër të dy fëmijëve, teksa kanë zgjedhur që portretin familjar ta mbajnë shumë privat. Mirëpo, kjo ndodhi deri në ditëlindjen e djalit të tyre të parë. Reperi ka postuar në Instagramin e tij një sërë fotosh, në të cilat dy yjet e skenës muzikore botërore tregojnë edhe djalin e tyre 9-muajsh, Riot. Sipas People, ylli 36-vjeçar i popit dhe reperi 35-vjeçar organizuan një festë private në Color Factory në New York City më 11 maj, ku të ftuar ishin rrethi i ngushtë shoqëror.
View this post on Instagram
Rikujtojmë, se Rihanna duke folur për revistën “Interview” u pyet se sa fëmijë të tjerë do të donte të kishte. “Aq sa do Zoti që të kem”, përgjigjet miliarderja nga Barbadosi. “Nuk e di se sa do të më jepte Zoti, por do të bëja më shumë se dy. Do të përpiqesha edhe për një vajzë. Por, sigurisht nëse përsëri është djalë, atëherë është djalë”,-theksoi artistja. Rihanna, ka tashmë vite që është shkëputur nga muzika dhe nuk ka qenë mjaft aktive.
Përveç karrierës si këngëtare, këngëtarja gjithashtu posedon brendin e saj të produkteve të bukurisë Fenty Beauty, me të cilin ka bërë revolucion në këtë industri. Së fundmi artistja ka folur për romancën me reperin A$AP Rocky me të cilin është në një lidhje që nga viti 2019. Në një intervistë për Interview ylli i muzikës pop u shpreh se:
Ne kishim mendime të njëjta për modën, kreativitetin. Ne përfunduam në të njëjtat rrethe. Dhe pas kësaj, kur u rritëm, ne përfunduam duke mbështetur markat dhe produktet dhe kreativitetin e njëri-tjetrit gjatë gjithë kohës. Unë vishja rrobat e tij, ai shfaqej në prezantimet e mia deri në fund të 2019-ës. Ne njihemi prej kohësh. Unë e kam parë atë në marrëdhënie të tjera. Ai më ka parë mua në marrëdhënie të tjera. Ne e kemi parë njëri-tjetrin jashtë marrëdhënieve. Ne e dinim se për çfarë jemi të aftë dhe telashet që mund t’i sillnim në jetët e njëri-tjetrit. Mund të bashkojmë ose thyejmë zemrat e njëri-tjetrit. Dhe kështu, ne filluam të takoheshim me shumë kujdes. Unë thjesht e lashë të ndodhte çfarëdo që duhej të ndodhte. Ishte thjesht, “Kjo është një lule. Ajo ose do të vdesë ose do të lulëzojë. Por unë do ta lë ta vendosë vetë.” COVID e përshpejtoi marrëdhënien tonë. Ndjeva sikur Zoti e dinte që ne kishim nevojë sepse do të krijonim një familje. Dhe po të mos ishte për COVID, do të kishim marrë shumë më tepër kohë për t’u qetësuar me njëri-tjetrin, madje edhe për të ditur nëse ishim gati.
