Kushdo që pret ndryshimet e shumta të kostumeve të së kaluarës “Super Bowl” mund të jetë zhgënjyer. Por Rihanna megjithatë mahniti në shfaqjen e saj të pjesës së parë me një veshje krejt të kuqe të krijuar për të nga labelat luksoze Loewe dhe Alaïa. Raportet e mëvonshme pohuan se ylli është shatëzënë dhe kjo mund të shpjegojë pse ajo i mbajti gjërat të thjeshta dhe pse zgjodhi një palë atlete komode në një nuancë plotësuese të së kuqes.
Këngëtarja Barbadiane filloi shfaqjen e saj 13-minutëshe dhe menjëherë u dallua veshja pothuajse tërësisht e zbërthyer për të zbuluar një kostum prej mëndafshi dhe korse lëkure të skalitur dhe natyrisht u shfaq edhe barku i saj i rrumbullakosur. Këngëtarja është tashmë në një pritje të ëmbël të fëmijës së saj të dytë me reperin Asap Rocky.
Të tre veshjet ishin të dizajnuara me porosi nga Jonathan Anderson, drejtor kreativ i labelit spanjoll “Loewe”. Shtëpia e modës, e cila debutoi një parzmore të kuqe me pamje të ngjashme si pjesë e koleksionit të saj të veshjeve të gatshme për sezonin Pranverë 2022, tha se pamja e saj ishte frymëzuar nga pajisjet e fluturimit dhe ishte dizenjuar për të krijuar vëllim në hap me skenografinë dinamike të shfaqjes. Rihanna kompletoi veshjen me një palë atlete të kuqe nga bashkëpunimi i “Maison Margiela” me markën e këpucëve sportive, “Salomon”. Mbi pjesën e sipërme, ajo kishte veshur një shall lëkure me doreza të integruara nga “Alaïa”, etiketa e themeluar nga stilisti i ndjerë tunizian “Azzedine Alaïa”.
Kjo ishte performanca e parë e Rihanna-s në publik në gjashtë vjet. Dhe me yllin që kaloi pjesën më të madhe të kohës duke ndërtuar perandorinë e saj të të brendshmeve dhe bukurisë, vëzhguesit e modës kishin spekuluar se ajo mund të vishte artikuj nga linja e saj “Savage X Fenty”. Kjo, megjithatë, iu la legjionit të saj të kërcimtarëve mbështetës, xhaketat e të cilëve me kapuç të bardhë u hapën për të zbuluar artikuj të ndryshëm nga marka e të brendshmeve. Labeli i modës përfitoi nga momenti, duke u kujtuar menjëherë fansave në rrjetet sociale se sutjenat sportive të kërcimtarëve dhe bluzat prej rrjetë janë të gjitha në shitje.
