Fansat janë të bindur se Ricky Martin u eksitua ndërsa bëri një kërcim në turneun “Celebration” të Madonna-s në Miami. Këngëtari i hitit “Livin La Vida Loca” u ftua në skenë gjatë interpretimit të “Vogue” nga mbretëresha e pop-it. Teksa ishte ulur në një karrige argjendi pranë Madonnas, këngëtari portorikan mori një surprizë nga balerinët meshkuj dhe femra, të cilët zbritën me nxitim në skenë për t’i dhënë një kërcim në prehër.
Lëvizjet e bujshme nga kërcimtarët dhe fryrja në pantallonat e Martin, i shtynë fansat të pyesin nëse ai u eksitua. “A ishte dikush që po emocionohej pak”, shkroi një fans në X nën një video. “O Zot i madh, çfarë pashë”, shkroi një tjetër.
Ndërkaq, Madonna, e cila filloi turneun e saj në tetor 2023 pasi e shtyu atë për shkak të një problemi shëndetësor gjatë verës, ka marrë disa ankesa nga fansat për sjelljen e saj në koncerte. Në janar, fituesja shtatë herë e ‘Grammy’ u padit nga pjesëmarrësit e koncerteve pasi ajo filloi koncertin e saj në Brooklyn në Barclays Center në dhjetor me dy orë vonesë.
Ricky Martin nga ana tjetër ka treguar se njeriu që e shtyu të fliste hapur për identitetin e tij seksual ishte babai i tij. Gjatë një interviste në “Andy Cohen Live” të SiriusXM, këngëtari 52-vjeçar pranoi se më në fund u hap për jetën e tij personale në vitin 2010 pasi babai i tij, Enrique, i dha disa këshilla. Babai i tij i kishte thënë: “Çfarë do të bësh, a do t’i mësosh edhe fëmijët të gënjejnë? Duhet të jesh i hapur. Duhet të zbulosh veten. Unë dua të të ndihmoj, por si mund ta bëjmë këtë”. Ndërkaq, Ricky i tha:
Mirë, babi. Më jep pak kohë. Nuk di si ta bëj. Nuk e di nëse do të bëhet përmes një interviste. Nuk e di nëse dua të shkruaj një letër dhe ta postoj në Twitter. Nuk e di!
