Ndeshjet e sotme në Kategorinë Superiore, kanë dhuruar tablonë e plotë për renditjen pas javës së 13-të të kampionatit, ku tashmë janë krijuar tre grupime të ndryshme skuadrash.
Grupi i parë është ai nga Partizani i vendit të parë, te Dinamo e vendit të katërt që është përmbledhur në katër pikë.
Më pas vjen grupi ndjekës i katërshe së parë, me Teutën e Elbasanin që kanë nga 17 pikë, pasi verdheblutë sot nuk ia dolën t’i afroheshin më shumë grupit të kreut në barazimin ndaj Laçit.
Kurse Laçi vazhdon serinë pozitive që e ka larguar nga vendi i fundit, por mbetet në grupin e ekipeve që janë në luftën për mbijetesë, me Tiranën, Skënderbeun e Bylisin që janë të gjitha të përfshira në tre pikë mes tyre.
Rezultatet, JAVA 13
Të shtunën
Egnatia-Vllaznia 1-1
Dinamo-Partizani 1-2
Teuta-Skënderbeu 1-1
Të dielën
Laçi-Elbasani 1-1
Tirana-Bylis 4-0
