UEFA ka publikuar ditën e sotme renditjen e re të klubeve europiane, në bazë të koeficientit që ato kanë arritur të koleksionojnë gjatë këtyre 4 sezoneve të fundit.
![](https://www.topalbaniaradio.com/v7/wp-content/uploads/2024/07/14-1.jpg)
Vendin e parë vazhdon ta mbajë Mançester Siti, ndërsa pas tij vjen Real Madridi. Për çudi ekipi i Romës gjendet në vendin e pestë, para emrave si PSG, Dortmund, Inter, Milan, Junajtid, e shumë të tjerë.
![](https://www.topalbaniaradio.com/v7/wp-content/uploads/2024/07/23.jpg)
Një tjetër fakt interesant është se një ekip si Uest Ham, që sezon pas sezoni lufton për mbijetesën në Premier Ligë, pozicionohet në vendin e 16-të, duke pasur një koeficient më të lartë se Barcelona që ndodhet në vendin e 18-të, ose Arsenal që ndodhet në të 19-in. Në fakt, kjo vjen edhe për arsyen se një sezon më parë ata fituan Ligën e Konferencës, çka i bëri londinezët të fitonin shumë pikë dhe të ngjiteshin shumë në renditje.