Këngëtarja e njohur Taylor Swift është shpallur së fundmi artistja më e dëgjuar në Mbretërinë e Bashkuar në platformën Spotify për vitin 2022, ndërsa Harry Styles kishte këngën më të dëgjuar. Edhe pse ka pak muaj që ka publikuar albumin “Midnights”, Taylor ka arritur mbi 805 milionë dëgjime në Mbretërinë e Bashkuar. Publikimi i këtij albumi u shoqërua me një fushatë globale me tabelat e Spotify që shfaqeshin në mbarë botën.
Taylor-it i bashkohen edhe artistë të tjerë më të dëgjuar si Ed Sheeran, Harry Styles, Dave, Arctic Monkeys dhe D-Block Europe, të cilët u zbuluan si pjesë e njoftimit të Spotify’s Wrapped. “As It Was” e Harry-t është kënga më e dëgjuar gjatë vitit, duke arritur shifrën e 97 milionë transmetimeve në Mbretërinë e Bashkuar. Me të në pesëshen e parë janë “Heat Waves e Glass Animals”, “Dave’s Starlight”, “Running Up That Hill” e Kate Bush dhe “Seventeen Going Under” e Sam Fender.
Harry pati sukses të mëtejshëm në vitin 2022 pasi ai gjithashtu pati albumin më të mirë në Spotify. Me Ed Sheeran ishte albumi i dytë më i dëgjuar i ndjekur nga “Encanto” e Lin Manuel-Miranda, “Sour” e Olivia Rodrigo dhe “Midnights” e Taylor. Për të tretin vit radhazi, reperi porto-rikan Bad Bunny zuri vendin e parë për artistin më të transmetuar në mbarë botën, me më shumë se 18 miliardë transmetime këtë vit. Muajin e kaluar, Taylor u bë artistja e parë në historinë e muzikës që fitoi të gjithë ‘Top 10’ të listës së këngëve të “Billboard Hot 100”.
Ndërkaq, Swift është një këngëtare, kompozitore dhe producente amerikane e lindur më 13 dhjetor 1989 në West Reading, Pennsylvania dhe prindërit e saj e quajtën atë sipas muzikantit James Taylor. Taylor është bërë një nga artistet më të njohura dhe më të suksesshme në botë, duke shitur mbi 200 milionë albume dhe ka punuar për markat globale si Target, Sony, AT&T, CoverGirl, Verizon Wireless, Diet Coke, Keds, AirAsia dhe shumë të tjera. Ajo u bë artistja e parë në histori që fitoi 10 vendet më të mira të tabelës Billboard Hot 100 me këngë nga albumi i saj i ri “Midnights”.
