Regjisori legjendar, Francis Ford Coppola, ka treguar se cilën nga filmat e tij pëlqen më shumë dhe i ka befasuar shumë fansa me zgjedhjen që ka bërë. Edhe pse shumëkush mendoi se përgjigja do të ishte “The Godfather” ose “Apocalypse Now”, regjisori ka thënë se filmi i tij i preferuar është “Rumble Fish” nga viti 1983.
Filmi im i preferuar? Kjo është si të pyesësh dikë që ka shtatë fëmijë se cili është i preferuari i tyre. I dua të gjithë, por nëse depërtojmë thellë ndoshta do të thosha “Rumble Fish”.
![](https://telegrafi.com/wp-content/uploads/2023/08/coppola.jpg)
Ky film bazohet në romanin me të njëjtin emër nga Susan Eloise Hinton. Ndërkaq, “Rumble Fish” është nga filmat e parë të rëndësishëm, në të cilin ka aktruar nipi i Coppolas, Nicolas Cage emri i vërtetë i të cilit është Nicolas Kim Coppola.