Në fillim të këtij viti, Reddit krijoi një mjet përkthimi për përdoruesit në Francë dhe tani është vendosur të zgjerojë horizontet e tij edhe më tej për t’u lidhur me më shumë Redditor anembanë globit. Nuk flisni spanjisht, por dëshironi të futeni në një diskutim? Nuk ka problem! Mjeti i ri i përkthimit me AI që lejon përdoruesit të konvertojnë të gjithë burimin e tyre në gjuhën e preferuar, po shpërndahet në mbi 35 vende, duke përfshirë Spanjën, Brazilin, Gjermaninë dhe më gjerë. Ky funksion është i disponueshëm në të gjitha platformat.
Sa herë që dikush ndan një postim ose koment në gjuhën e zgjedhur, ai do të përkthehet automatikisht në gjuhën amtare të komunitetit. Plus, në javët e ardhshme, një baner do të nxjerrë në pah këto postime të përkthyera dhe do t’ju japë mundësinë t’i shikoni ato në gjuhën origjinale. Në lajme të tjera nga Reddit, platforma ka filluar së fundmi të testojë një tjetër veçori në trend; përmbledhjet e krijuara nga AI.
Rikujtojmë se i ftuar në “Live from Tirana” ishte gazetari i teknologjisë Brenton Bënja, për të folur rreth informacioneve më të fundit sa i përket Inteligjencës Artificiale, avantazhet dhe disavantazhet, si të mbrohemi nga kontenti i rremë, por dhe shumë këshilla të tjera të vlefshme. Si përdoret Inteligjenca Artificiale për të manipuluar sjelljet e njeriut?
Nëse kujdeseni për mjedisin, mendoni dy herë për përdorimin e Inteligjencës Artificiale. Inteligjenca Artificiale gjeneruese përdor 30 herë më shumë energji sesa një motor kërkimi tradicional, paralajmëron studiuesja Sascha Luccioni, e cila është në një mision për të rritur ndërgjegjësimin për ndikimin në mjedis.
E njohur si një nga 100 njerëzit më me ndikim në botën e inteligjencës artificiale nga revista amerikane “Time” në vitin 2024, shkencëtarja kanadeze me origjinë ruse është përpjekur të përcaktojë sasinë e emetimeve të programeve si “Chat-GPT” ose “Midjourney” për disa vite.
