Pavel Durov, themeluesi i aplikacionit të mesazheve Telegram, është nën hetim në Francë dhe ka cilësuar arrestimin e tij si të gabuar. Ai theksoi se autoritetet franceze duhej të kishin nisur një veprim ligjor ndaj vetë kompanisë Telegram në vend që të kërkonin pergjegjësi personale ndaj tij.
Nëse një vend është i pakënaqur me një shërbim interneti, praktika e vendosur është të fillojë një veprim ligjor kundër vetë shërbimit
Durov argumentoi se përdorimi i ligjeve të vjetra për të akuzuar një CEO për krime të kryera nga përdoruesit e platformës është një qasje e gabuar. Ai sqaroi se Telegrami, edhe pse nuk është perfekt, është duke bërë përpjekje për të eliminuar përmbajtjet e dëmshme dhe mohoi pretendimet se aplikacioni është një “parajsë anarkike.”
Në lidhje me akuzat, Durov është akuzuar për lejimin e veprimtarive kriminale në Telegram, përfshirë përhapjen e imazheve seksuale të fëmijëve dhe shkelje të tjera të supozuara. Ai ka shpëtuar nga qëndrimi në burg duke ofruar një garanci prej 5 milionë eurosh dhe është liruar me kusht që të paraqitet në një komisariat dy herë në javë dhe të qëndrojë në Francë.
