Kryeministri Edi Rama është shprehur se “Bashkimi Europian është i vetmi vend ku duam të jemi”.
Nga Luksemburgu, ku do të zhvillohet Konferenca e Dytë Ndërqeveritare mes BE dhe Shqipëri, Rama theksoi për hapjen e grup-kapitullit të parë se “do të vrapojmë shpejt që kjo dritare mundësie të mos mbyllet pa Shqipërinë brenda në BE”.
Ai theksoi se është një mal për t’u ngjitur, por shtoi se s’ka dyshim që qëllimi për anëtarësimin e vendit në BE në 2030 do të arrihet.
“Nuk kemi hequr kurrë dorë, BE është u vetmi vend ku duam të jemi.
Ky është moment është i veçantë dhe më duhet të them edhe falë Vladimir Putin që për shkak të luftës zgjoi nga gjumi edhe më skeptiku, që Ballkani Perëndimor është i nevojshëm për një BE më të fortë, po aq sa BE është i nevojshëm për Ballkanin Perëndimor. Të dyja palët jemi në një gjatësi vale, do të vrapojmë shpejt që kjo dritare e jashtëzakonshme mundësinë të mos mbyllet pa ne në BE.
Janë detyra shtëpie, një mal për tu ngjitur. Jemi në ngjitje e sipër dhe s’ka dyshim që do të arrijmë atë që duhet arritur”, tha Rama.
Deklarata e plotë:
Rama: Është mënyra më e mirë për të nisur ditën dhe pavarësisht motit gri të Luksemburgut, ndihemi vërtet shumë entuziast dhe mjaft të inkurajuar që më së fundi, nisim pjesën më të vështirë të punës, çka nënkupton çeljen e grupkapitujve të themeloreve me 5 kapituj më shumë, plus tre kritere, të cilat do të na bëjnë që të ecim më përpara dhe do të përmbyllim brenda afatit tonë mjaft ambicioz të gjithë këtë process të negociatave dhe më së fundi do ta bëjmë Shqipërinë që të ulet si e barabartë rreth tryezës së shteteve anëtare të BE
Ka patur një ndryshim të paradigmës në BE, sa i takon zgjerimit. Është si të thuash biletë me një drejtim. Çfarë mendoni për këtë? Mendoni që është kështu?
Rama: Ne jemi shumë, shumë të përkushtuar me BE qysh prej ditës së parë që i ikëm ferrit të diktaturës, duke qenë vendi më i izoluar në Evropë, “Koreja e Veriut’’ e Europës, kështu që pavarësisht se si është situata këtu apo niveleve të ndrysme të vëmendjes apo skepticizmit ndaj zgjerimit, ne nuk kemi hequr kurrë dorë sepse për ne, BE dhe Evropa janë i vetmi vend ku duam të jemi, i vetmi vend që duam t’u lëmë brezave të ardhshme me sigurinë që i lëmë në të vetmen hapësirë, ku liritë, të drejtat, sundimi i ligjit dhe siguria mund të garantohen. Kështu që po, ky moment është i veçantë dhe më duhet të them dhe falë edhe Vladimir Putinit, i cili për shkak të luftës mizore të agresionit, zgjoi nga gjumi edhe më skeptikun dhe i bëri të shohin realitetin që Ballkani Perëndimor është i nevojshëm për një BE më të forte, po aq sa BE, konstelacioni i BE është i nevojshëm për Ballkanin Perëndimor.
Kësisoj jemi të dyja palët në një gjatësi vale. Do të bëjmë më të mirën dhe do të vrapojmë shpejt për t’u siguruar që kjo dritare e jashtëzakonshme mundësie të mos mbyllet pa ne, brenda në Bashkimin Evropian.
Kam dëgjuar sidoqoftë që flitet për shembull për masat kundër korrupsionit
Rama: Po nuk ka asgjë të veçantë. Çdo gjë është shumë e qaqrtë. Për t’u bërë shtet anëtar duhet të ngresh, jo vetëm shpirtrat, por po kështu edhe të gjitha forcat që të punojnë së bashku në realitetin e vendit për të garantuar një vend, i cili funksionon mirë, u shërben qytatarëve të vet dhe sanksionon në jetën e përditshme atë çfarë shkruhet në Kushtetutë dhe të gjithë angazhimet. Kështu që janë detyra shtëpie, një mal për t’u ngjitur dhe tanimë ne jemi në ngjitje e sipër me ide mjaft të qarta, me vullnet mjaft të fortë dhe nuk ka aspak dyshim që do të arrijmë atë çfarë duhet arritur, që do të thotë Shqipëria në BE brenda 2030.
A mendoni se do të arrrini të shkurtoni procedurën e anëtarësimit në kohë të Shqipërisë në BE?
Rama: Ne do ta bëjmë gati Shqipërinë për Bashkimin Evropian brenda vitit 2030.
