Napoli mori kurorën, në renditjen e qyteteve të platformës Time Out, me vendet me ushqimet më të shijshme dhe më të përballueshme për të ngrënë në planet. Nga sanduiçet daneze dhe qoftet turke, te peshkaqeni i fermentuar islandez dhe tiganët e mëdhenj me paella spanjolle, ushqimi në Europë vjen në të gjitha format, madhësi dhe shije.
Por, ka vetëm një qytet europian, që zyrtarisht mund të thotë, se ka ushqimin më të mirë në botë. Time Out anketoi mijëra vendas, për të ngrënë jashtë në qytetin e tyre, për të përpiluar një renditje krejt të re të qyteteve më të mira në botë për ushqim, dhe Napoli u vlerësua si më i miri, për cilësinë dhe çmimin.
Përgatitja dhe ndarja e ushqimit, është në zemër të kulturës së Italisë, nga pjatat e shijshme të servirura në veri, e deri te të gjitha prodhimet e freskëta të detit, që hahen në ishuj.
![](https://www.topalbaniaradio.com/v7/wp-content/uploads/2024/06/PortAlbaPizza.jpg)
Por, nëse ka një gjë për të cilën njihet Italia, ajo është pica dhe nuk ka më të mira se picat Margherita të Napolit (ndonjëherë, për vetëm 1 euro). Napoli, nuk ishte i vetmi qytet në Europë, që hyri në listë.
Liverpooli u rendit në vendin e 11-të, falë ‘ndihmës’ bujare të kuzhinierëve të rinj, me origjinë nga qyteti dhe Sevilja, u rendit në vendin e 13-të, me shkrimtaren vendase Anna Kaminski, që thotë se skena e ushqimit të qytetit, “ka qenë ndër më emocionueset në Spanjë për vite me radhë”.
Porto, Lyon dhe Kopenhagen, hynë në top 20-shen dhe Madridi, ishte zgjedhja e emëruar nga kuzhinieri Michael Ayoub i Fornino, në Time Out Market New York, i cili tha:
Madridi është një thesar i mrekullive kulturore, me një kulturë të pasur dhe të thellë dhe trashëgimi historike. Është pa dyshim, një nga qytetet më të mira në botë – për ushqim dhe çdo gjë tjetër.
![](https://www.topalbaniaradio.com/v7/wp-content/uploads/2024/06/5.png)