Një nga mënyrat më të mira për ‘ta bërë’ dikë të mendojë më shpesh për ju, është të ndani disa detaje nga jeta juaj private me atë person. Nëse një person vazhdon të mendojë për ju në një mënyrë pozitive, lehtë mund edhe të dashurohet. Siç thekson portali Your Tango, duke ndarë të dhënat personale, ju do të bëni që një person i caktuar të mendojë në mënyrë të pandërgjegjshme për ju.
Edhe kur tregoni vetëm historinë tuaj dhe ai person nuk përgjigjet me disa shembuj dhe detaje nga jeta e tij, kjo mund të ketë një efekt të fuqishëm në subkoshiencë, sepse mënyra se si nënndërgjegjja e atij personi ju sheh, është çelësi për ta bërë të bjerë në dashuri.
Kur dikush ndan informacione personale me ju, nënndërgjegjja juaj ‘programohet’ të mendojë se ky person duhet të jetë afër jush. Kjo ndodh sepse vetëm njerëzit që janë të afërt ndajnë mendime dhe ndjenja të ndjeshme. Procesi i ndarjes së informacioneve dhe sekreteve personale është një akt intim në vetvete dhe duke qenë se personi nuk e ka pritur atë nga ju do t’i bëjë ata të mendojnë gjithnjë e më shumë për ju gjatë ditëve në vijim.
Për këtë arsye, është e rëndësishme të dini se çfarë do t’i thoni atij personi. Mund të jetë një situatë familjare, një situatë në vendin e punës ose një ambicie që keni në jetën tuaj. Gjithashtu, kur i tregoni personit këtë informacion, është e rëndësishme të kuptojë se janë informacione që po i ndani vetëm me të ose me miqtë e ngushtë. E gjithë kjo rrit nivelin e marrëdhënieve të ndërtuara përmes shkëmbimit të informacionit.
