Së fundmi është publikuar traileri i parë për sezonin e katërt të “The Witcher”. Një version i ri i Geralt of Rivia vjen nga Liam Hemsworth pasi aktori merr rolin në sezonin më të ri të filmit. Liam ka marrë rolin pas largimit të Henry Cavill nga seriali dhe bën paraqitjen e tij të parë në trailerin e ri për episodet e ardhshme. Pas paraqitjes së fundit të Cavill në “The Witcher” vitin e kaluar, prezantuesja e shfaqjes Lauren S. Hissrich zbuloi se krijuesit e shfaqjes kanë punuar shumë për versionin e ri të personazhit.
Duke folur për “Entertainment Weekly”, ajo tha:
Pamja e tij ka qenë në zhvillim për më shumë se një vit, kështu që është emocionuese të ndajmë më në fund një vështrim zyrtar të Liam Hemsworth si Geralt i Rivia-s.
Kasti dhe ekipi janë mahnitur nga pasioni, energjia dhe mishërimi që Liam i ka sjellë personazhit që nga dita e parë. “Ne po argëtohemi shumë në xhirimet e sezonit të katërt dhe jemi të emocionuar të mirëpresim fansat janë në këtë rrugëtim me ne.”-shtoi Lauren. Në trailer, ne shohim Ujkun e Bardhë të Kontinentit duke bërë rrugën e tij përmes një peisazhi të mjegullt para se të dëgjojë një zhurmë kërcitëse pas tij dhe të kthehet për të zbuluar fytyrën e tij para kamerës.
