Imazhet e konceptit Lamborghini Lanzador, një pamje paraprake e makinës së parë elektrike nga firma italiane e janë shfaqur në internet përpara afatit. Fotografitë konfirmojnë se makina elektrike me dy dyer, do të mbajë emrin Lanzador, që në spanjisht përkthehet në “hedhës”.
Kompania gjithashtu ka konfirmuar se modeli i prodhimit pritet të lançohet në vitin 2028. Siç u konfirmua më parë nga drejtuesit e Lamborghini, makina elektrike është një “coupe” me dy dyer, me katër ulëse dhe një lartësi më të lartë drejtimi duke kapërcyer hendekun midis supermakinave të kompanisë dhe Urus SUV.
Lanzador gjithashtu huazon shenja dizajni nga Lamborghini-t e tjerë të rinj, sikurse fenerët e përparmë në formë të shkronjës Y si dhe harqet të ndezura të rrotave. Brenda, Lanzador ka një kabinë në stil avioni, me ekrane digjitale për shoferin dhe pasagjerët. Ka një konzolë qendrore, dhe ulëse të pasme të cilat edhe mund të palosen. Çelësat e ndërrimit dhe butonat përgjatë pultit dhe timonit janë në përputhje me frymëzimin e stilit të avionit.
