Të gjithë fansat e këngëtares së njohur Adele kanë një arsye shumë të madhe për t’u gëzuar! Para pak orësh këngëtarja 33-vjeçare publikoi albumin e saj të katërt në studio me titull ’30’, i cili pason edhe rekordet e mëparshme të yllit, duke përfshirë këtu ’19’ të vitit 2008, ’21’ të vitit 2011 dhe ’25’ të vitit 2015.
Duke shfaqur edhe këngën e lançuar më parë nga Adele me titull “Easy on Me” dhe këngët të cilat këngëtarja britanike i ka performuar edhe gjatë natës speciale të saj të fundit në CBS, ‘Adele One Night Only’, duke përfshirë këtu “I Drink Wine”, “Hold On”, “Love Is a Game”, “Woman Like Me” dhe “Cry Your Heart Out.”
’30’ shënon edhe albumin e parë të Adele pas divorcit të saj nga ish-bashkëshorti Simon Konecki, i cili ka shërbyer edhe si një frymëzim për projektin e saj së bashku me djalin 9-vjeçar, Angelo.
Adele do të promovojë albumin e saj të fundit në një koncert special në ‘ITV’ të dielën, i cili edhe është titulluar “Audience with Adele”. Ajo gjithashtu do të mbajë dy koncerte në ‘Hyde Park’ në Londër në muajin korrik të vitit 2022.
Lajmet për rikthimin e Adele por edhe për albumin e saj më të ri kanë qarkulluar që muajin e kaluar, derisa ajo vetë bëri rikthimin e saj të bujshëm me këngën e re ‘Easy on Me’, e cila theu një rekord të padiskutueshëm dhe që sot numëron mbi 164 milionë klikime.
Vlen për t’u përmendur se rikthimi i Adele është pritur jashtëzakonisht mirë nga të gjithë fansat dhe ndjekësit e saj në mbarë botën. Në fillim pasi Adele konfirmoi rikthimin e saj ajo vendosi që pas plot 6 viteve të jepte një intervistë për prestigjozen ‘Vogue’ dhe së fundmi para pak ditës për Oprah Winfrey.
Adele zgjodhi që t’i përgjigjet të gjithë kritikave në lidhje me humbjen e peshës së saj. Edhe pse rutina e saj e ushtrimeve u cilësua “e tepërt” nga disa ekspertë shëndetësorë, me të cilën këngëtarja 33-vjeçare nuk është dakord.
Por fokusi nuk ka qenë vetëm tek pesha e saj. Një tjetër temë e cila mori një rëndësi shumë të madhe ishte edhe tema e divorcit dhe se si janë marrëdhëniet e saj tashmë me ish-bashkëshortin Simon Konecki.
