Të dielën e fundit të tetorit, më 27 tetor, do të kthehemi një orë mbrapa, duke shënuar kështu zyrtarisht fillimin e vjeshtës. Ky ndryshim i orës do të ndodhë në orën 4:00 të mëngjesit.
Megjithëse ndryshimi i orës ishte planifikuar të hiqej, një vendim i tillë nuk u zbatua kurrë. Shtetet anëtare të Bashkimit Evropian u njoftuan që të zgjidhnin mes dy opsioneve: mbajtja e orës dimërore ose verore. Ndryshimi i fundit i planifikuar ishte për marsin e vitit 2021, por ndryshimet në orën biologjike dhe vështirësia e përshtatjes së menjëhershme luajtën një rol të rëndësishëm në këtë proces.
Historikisht, ndryshimi i orës ka si qëllim të optimizojë përdorimin e dritës natyrale dhe të kursejë energji. Ideja i atribuohet Benjamin Franklin-it, që në vitin 1784, dhe më vonë William Willett e mbështeti atë në fillim të shekullit të 20-të. Sidoqoftë, ishte entomologu George Hudson që në 1895 propozoi ndryshimin aktual të orës, duke vërejtur se orët më të gjata gjatë verës ndihmonin në mbledhjen e insekteve.
Me kalimin e viteve, shumë vende, veçanërisht në Azi dhe Afrikë, e kanë shmangur praktikën e ndryshimit të orës, duke lënë shumicën e popullsisë globale që të përjetojë këtë traditë çdo gjashtë muaj.
