Në jetën e tyre të përditshme, njerëzit janë mësuar t’i kërcasin gishtat edhe pse janë të vetëdijshëm se ky veprim është i dëmshëm për shëndetin e tyre.
Shkencëtarët kanë një përgjigje për të gjithë personat që kërcasin vazhdimisht gishtat dhe që shumë e konsiderojnë si një veprim të rrezikshëm.
Ajo që ndodh në të vërtetë kur ju kërcisni gishtat është përthyerja e vendit ku dy kockat e gishtave bashkohen, të cilat janë të mbështjella nga një kapsulë e përbashkët e mbushur me lëng.
Në momentin e kërcitjes hapësira mes kockave zgjerohet dhe lëngu i përbashkët bëhet i pamjaftueshëm për të mbushur boshllëkun.
Presioni brenda bie dhe shfaqet një flluskë e mbushur me gaz. Tingulli që ne dëgjojmë është plasja e kësaj flluske.
Në bazë të një testi të realizuar nga studiuesit personat që kërcasin gishtat nuk vuajnë nga enjtja e duarve dhe artriti.
Nëse deri më tani keni menduar se vesi i të kërciturit të gishtërinjve është një shkaktar i artritit dhe enjtjes së duarve, në bazë të këtij studimi vërtetohet se jeni gabuar.
Megjithatë duhet të dini se ky veprim juaji është shenjë e nervozizmit të shpeshtë dhe kur ju kërcisni gishtat krijoni ndjesinë e lehtësimit.
