Një prej modeleve shumë të njohura dhe me famë botërore është Emily Ratajkowski, e cila shumë shpejt do të publikojë një libër autobiografik të titulluar “My Body” (Trupi im ). Në vitin 2013, ajo ka qenë pjesë e video klipit të këngës “Blurred Lines”, ku në libër ajo do të tregojë me detaje se si këngëtari Robin Thicke i ka prekur gjoksin pa pëlqimin e saj. Ajo gjithashtu ka zbuluar se Robin atë ditë është shfaqur i dehur në xhirime.
Libri i ardhshëm i Emily, i titulluar “My Body”, përbëhet nga ese që kujtojnë momentet e jetës së saj ndërsa eksploron komoditetin e trupave të grave dhe seksualitetin e tyre. Pasazhi shfaqet në një kapitull më të gjerë të librit të quajtur “Blurred Lines”. Meqenëse “My Body” tani është në dispozicion për t’u porositur paraprakisht nga të interesuarit, Emily vendosi që t’iu përgjigjej pyetjeve të ndjekësve në Instagram rreth librit. Duke iu përgjigjur pyetjes së një personi, i cili pyeti se pse zgjodhi të emëronte një kapitull sipas këngës së Robin, ajo shpjegoi se titulli dhe përmbajtja e tij përfaqësojnë një evolucion të besimeve të saj dhe politikës.
E kisha të vështirë ta shkruaja atë ese për një sërë arsyesh të ndryshme. Por në fund vendosa ta përfshij atë në libër, sepse përvoja ime në setin e “Blurred Lines” dhe mënyra se si fola për të thotë shumë për evolucionin e besimeve dhe politikës sime. Shumica e punëve të mia në atë moment ishin shumë të këqija, ose isha duke xhiruar për dyqane në internet ku ndihesha si asgjë më shumë se një manekin ose do të isha me të brendshme, ndërsa disa fotografë meshkuj të moshës së mesme më thonin të pozoja. “Blurred Lines” ishte ndryshe. Isha e rrethuar nga femra që më pëlqenin dhe i besoja. U argëtova në xhirime, duke qenë një vajzë seksi në një videoklip më bëri të ndihesha joshëse, e lezetshme dhe e fuqishme. I thashë botës se përvoja ishte fuqizuese. Në shumë mënyra ishte. Duhet të lexoni esenë për të kuptuar plotësisht anët e tjera të përvojës sime.
Rikujtojmë se, në librin e saj “My Body” që pritet të dalë së shpejti, modelja e njohur Emily Ratajkowski, tregon për fiksimin e familjes me pamjen e saj dhe mënyrën se si të rriturit e seksualizuan që në një moshë të re kur një mësues i shkollës së mesme i preku gjoksin. Që në moshë të re, Ratajkowski e kuptoi që pamja e saj e bënte të dallohej, veçanërisht në sytë e prindërve të saj.
