“Big Brother VIP Albania” është një fenomen social që mbërthen fort jo vetëm vëmendjen por edhe debatin publik. Një reality show, i cili që në natën e parë të spektaklit arrin të gozhdojë para ekranit teleshikuesit. Për efektet e këtij formati të gjithë kanë diçka për të thënë, si ata që e shijojnë e argëtohen, por edhe ata që janë kundër.
3 edicione mjaft të suksesshme të “Big Brother Vip” deri më tani me banor VIP mjaft të spikatur, që kanë përcjellë tek publiku emocione të forta. E teksa ka kaluar vetëm pak kohë nga përfundimi i edicionit të tretë, të gjithë janë kureshtar për “BBV4”. Puna ka filluar dhe duket se tashmë po përfundojnë projektimet e shtepisë së re, e cila duket se do të ketë shumë ndryshime nga ajo e kaluara, ku dhe arrijmë të shohim pak nga fotot e publikuara nga një pjesë e shtëpisë.
Publiku po pret me padurim nisjen e edicionit të katërt të reality show-t, “Big Brother VIP”. Tashmë është zyrtare se nga muaji dhjetor do të nisë transmetimin spektakli më i ndjekur në Shqipëri. Lajmi i shumëpritur është bërë i ditur përmes një promoje të publikuar në profilin e Top Channel, në “Instagram”.
“Big Brother VIP një dhe i vetmi, dhjetor 2024”, thuhet në promon në fjalë.
Ndërsa përsa u përket banorëve do na duhet të presim edhe pak, por janë aluduar shumë personazhe të njohur që mund të bëhen pjesë e këtij edicioni të ri të BBV.
View this post on Instagram
