Duka i Sussex-it, Princi Harry, ka përjashtuar mundësinë e një rikthimi në rolin e tij mbretëror. Gjatë një interviste televizive, ai u përgjigj qartë pyetjes nëse do të mendonte ndonjëherë për t’u rikthyer, duke thënë:
Jo. Unë nuk mendoj se do të jetë ndonjëherë e mundur.
Harry theksoi se, pavarësisht mundësive të një marrëveshjeje me familjen e tij, presionet e jashtme do të pengonin çdo përpjekje për pajtim. Ai nuk dha emra, por sugjeroi se ka faktorë të tjerë që ndihmojnë në ruajtjen e distancës.
Megjithatë, ai shprehu dëshirën për pajtim, veçanërisht me vëllain e tij, Princin William. Në një intervistë me Good Morning America, ai nënvizoi se situatat e vështira, si sëmundjet, mund të bashkojnë familjet, duke lënë hapur mundësinë për një rikthim të marrëdhënieve në të ardhmen.
Sidoqoftë, kthimi në jetën mbretërore duket se nuk është në plan për Harry-n.
