Spektakli më i madh i humorit në historinë e skenave dhe televizioneve shqiptare, vjen në sezonin e 42-të, me përvojën, energjinë dhe freskinë e tij, duke garantuar sukses të padiskutueshëm. Mbi 1000 shfaqeve ndër 20 vite dhe mijëra e mijëra orëve, mbushur me të qeshura dhe duartrokitje, sezoni i 42-të do të risjellë simbolikën e madhe të semaforit ngjyrë portokalli, i cili prej vitesh na mban në dilemën e ndalimit apo të ecjes përpara. Aktorëve më të shquar të humorit shqiptar do t’ju bashkohen emra dhe personazhe të rinj, që me batutat dhe historitë e tyre, do të bëhen pjesë gazmore e gjithë familja shqiptare këtu dhe kudo ndodhen nëpër botë. Në skenën dhe ekranin e Top Channel ndodh e qeshura!
Mbrëmjen e djeshme nisi sezoni i 42 i spektaklit “Portokalli” me disa risi. Ajo që mori më shumë vëmendjen ishte edhe Kiara Tito, e cila për herë të parë do të moderojë spektaklin dhe u prit shumë mirë. Në hyrjen e saj në skenë, të gjithë njerëzit në sallë u ngritën në këmbë duke duartrokitur e kjo tregon se Kiara ende ka dashurinë e publikut.
