Një ngjarje e rëndë ka ndodhur mbrëmjen e sotme në Porto Romano në Durrës, ku një 40-vjeçar ka rrëshqitur nga një shkëmb dhe ka rënë në ujë teksa peshkonte, dhe nuk ka mundur të dalë.
Aurel Ndoni po kërkohet në det nga polumbarët e Reneas, në Porto Romano.
40-vjeçari kur ka rrëshqitur në ujë është tërhequr nga rryma dhe nuk ka mundur të dalë nga deti.
Të njoftuar nga vëllai i tyre, Shërbimet e Policisë Kufitare dhe ato të Drejtorisë Vendore të Policisë Durrës kanë shkuar menjëherë në vendin e ngjarjes dhe së bashku me polumbarët e RENEA-s do të kryejnë kërkimet për gjetjen e trupit. Ndërkohë që nisja e shiut dhe errësira nuk e favorizon kërkimin e trupit, një grup i posaçëm hetimor po kryen hetimet për të zbardhur rrethanat e ngjarjes.
Njoftimi i policisë:
“Rreth orës 17:15, kanë shkuar për të peshkuar në Porto Romano, shtetasit A. N., 40 vjeç, E. N., 34 vjeç (vëllai i 40-vjeçarit) dhe M. V., 33 vjeç. Gjatë peshkimit dyshohet se ka rrëshqitur dhe ka rënë në ujë, shtetasi A. B., i cili është tërhequr nga rryma dhe nuk ka mundur të dalë nga deti.
Shërbimet e Policisë Kufitare dhe ato të Drejtorisë Vendore të Policisë Durrës kanë shkuar menjëherë në vendin e ngjarjes dhe së bashku me polumbarët e RENEA-s do të kryejnë kërkimet për gjetjen e trupit të shtetasit A. B. Ndërkaq, një grup i posaçëm hetimor i ngritur për rastin, po kryen hetimet për të zbardhur rrethanat”, sipas policisë.
Ndërkohë një grup i posaçëm hetimor po kryen hetimet për të zbardhur rrethanat e ngjarjes.
