Playlist-ën e kësaj jave e hapim me Pink Martini në “Ninna nanna”, por jo me ninullën tipike që keni ndërmend kur e dëgjoni këtë titull. Për të kaluar më pas tek “Starlight”, versioni i hershëm i “Thriller” të Michael Jackson që nuk e keni dëgjuar kurrë më parë.
“Thriller” i Michael Jackson është një nga këngët pop më të njohura ndonjëherë në 40 vitet e fundit. Por u deshën disa përpjekje që versioni ikonik përfundimtar siç e njohim tani të realizohej. “Starlight” tingëllon pothuajse saktësisht si “Thriller” sepse është praktikisht e njëjta këngë, vetëm me tekste shumë të ndryshme.
Duke qëndruar sërish tek Michael Jackson, por tani tek “Earth Song” që vjen me një mesazh të rëndësishëm. Në klip, Jackson dhe njerëzit e botës bashkohen në një këngë shpirtërore, e cila thërret një forcë që shëron botën.
E mbyllim tani me ‘qershinë mbi tortë’. As më pak e as më shumë se hitin numër 1 të Nirvana, “Smells Like Teen Spirit”.
