Një nga zërat më unik, një nga artistet më të talentuara e më të dashura në publikun e gjerë, Elisa, i bashkohet listës së kësaj jave. Krahas “Come sei veramente”, ajo vjen dhe me “O Forse Sei Tu”, këngë me të cilën konkurroi në Sanremo 2022.
Bruce Springsteen ka sjellë së fundmi videoklipin e “Turn Back the Hands of Time”. Kjo është kënga e tij e katërt nga albumi i ri “Only the Strong Survive”. Shkruar nga Jack Daniels dhe Bonnie Thompson, “Turn Back the Hands of Time” ishte një hit në Top 10 për Tyrone Davis në 1970.
Tani është momenti për pak nostalgji dhe romancë… Fugees me “Killing Me Softly With His Song”, një këngë që ka rezistuar për kaq vite e sa herë e dëgjon, të prek njësoj si herën e parë. Gjithashtu një vend me rëndësi zë dhe ‘mbreti i pop-it’, Michael Jackson. Shijoni një nga hitet e tij “They Don’t Care About Us”.
Që ta mbyllim playlist-ën në mënyrën e duhur dhe me ritëm, sjellim për ju emra si Backstreet Boys, Vanilla Ice, Dr. Dre, Snoop Dogg apo The Notorious B.I.G. Atëherë kur Hip-Hop kishte një ‘vibe’ kaq ndryshe…
