SYML është një artist mjaft i njohur dhe vjen këtë javë si pjesë e “Timeless Playlist” me dy projektet e tij më të fundit. Ato janë “Chariot” dhe “Believer”, pjesë gjithashtu e albumit të tij të ardhshëm “The Day My Father Died”, që do të publikohet më 3 shkurt 2023. Emri artistik që ai ka zgjedhur do përkthehet si “i thjeshtë” në një dialekt të Uellsit. Arsyeja pse ai e ka zgjedhur atë është që gjithmoë të jetojë një jetë të thjeshtë. Kjo thjeshtësi vjen e dukshme edhe në krijmtarinë e tij muzikore.
Post Malone në vitin 2022 ka publikuar albumin e tij të fundit “Twelve Carat Toothache”, ku një ndër këngët e tij në bashkëpunim me Roddy Ricch, “Cooped Up”, u cilësia si një ndër më të sukseshmet. Një i ri i talentuar, Sickick, vendosi që të kryejë një miksim këngësh, duke marrë këngën e Post dhe “Return Of The Mack” të këngëtarit Mark Morrison. Malone e ka publikuar atë duke i dhënë kreditet e merituara talentit Sickick.
Daniel Ceasar nuk zhgënjen kurrë. Ai së fundmi ka publikuar projektin e tij më të ri “Do You Like Me?”. Artisti i qëndron besnik stilit të tij muzikor dhe sërish ka sjellë këtë këngë brenda rrymës së tij të veçantë. Pritet të marrë vlerësimin që meriton, duke qenë se projektet e tij gjithmonë priten mirë nga dëgjuesit. Daniel ka arritur të pozicionohet në lista ndërkombëtare me këtë projekt.
