Grupi i mirënjohur Kiss vjen këtë javë si pjesë e kësaj liste me hitin e tyre “I Was Made for Lovin’ You”. Kjo këngë është krijuar në vitin 1979 dhe vazhdon ende të dëgjohet nga mijëra fansa të tyre në mbarë botën. Me tinguj dhe me një melodi mjaft karakteristike, ky projekt vjen me një fuqi të pazakontë, që të mbush shpirtin dhe të bën të përjetosh emocione mjaft të forta.
Këngëtari Shawn Mendes ka disa kohë që nuk sjell projekte muziore të goditura, por këngët e tij gjithmonë mbeten të paharrueshme. I tillë është edhe “Wonder”, pjesë e albumit të tij me të njëjtin emër. Edhe pse ka pak kohë që është publikuar, kënga vazhdon të kryesojë listat ndërkombëtare.
“Bitter Sweet Melody” do të mbetet gjithmonë një këngë mjaft e dashur për të gjithë dëgjuesit e tyre dhe këtë javë bëhet pjesë e “Timeless Playlist”. Krijuar nga grupi i rokut The Verve në vitin 1997, ky realizim cilësohet si më i veçanti i të gjithë kohërave dhe ka grumbulluar shikime dhe klikime mjaft të larta.
