Adele gjithmonë na suprizon me këngët e albumeve të saj dhe padyshim do të mbeten gjatë në klasifikimet e ndryshme muzikore. Këtë javë me hitin e saj “Oh My God” ajo bëhet pjesë e Timeless Playlist ku me zërin e saj e sjell këtë kryevepër plot energji dhe fuqi të jashtëzakonshme. Stili i saj dallues do të mbetet gjithmonë i admirueshëm nga dëgjuesit dhe fansat e saj.
The Kid Laroi ka tërhequr vëmendjen e gjithë publikut kur bashkëpunimi i tij me Justin Bieber u lançua vitin e kaluar. “Stay” ishte një këngë me potencial të mundshëm dhe e bëri artistin e ri mjaft të njohur kudo në botë.
“A Sky Full of Stars” është një këngë që nuk ka për t’u shuar kurrë dhe padyshim do të ishte pjesë e listës sonë këtë javë. Grupi Coldplay gjthmonë shquhet për sukseset e tij, por duket se vëmendjen më të madhe e kanë marrë pikërisht me këtë projekt, ku edhe janë vlerësuar me shumë çmime ndërkombëtare.
