Me një zë unik dhe kaq të thellë që arrin të depërtojë brenda shpirtrave tanë, Sade vjen sërish pjesë e kësaj liste pas “Smooth Operator” të javës së kaluar. Këtë herë artistja vjen me tingujt e “By Your Side”. Gjithashtu një perlë e kësaj jave është “Always Remember Us This Way”. Kjo është një këngë nga filmi i vitit 2018, “A Star Is Born” dhe kolona zanore e tij me të njëjtin emër, e realizuar nga ylli i filmit Lady Gaga. Ajo u publikua si kënga e dytë e kolonës zanore në Itali dhe Francë në janar 2019. Kënga u shkrua nga Lady Gaga, Natalie Hemby, Hillary Lindsey dhe Lori McKenna, dhe u prodhua nga Dave Cobb dhe Lady Gaga.
“Part-Time Lover” është një këngë nga këngëtari dhe kompozitori amerikan i R&B Stevie Wonder, i publikuar si singëlli i parë nga albumi i tij i njëzetë në studio, “In Square Circle” (1985). Kënga arriti numrin një në listat bashkëkohore të Billboard Hot 100, duke u bërë hiti numër një i Wonder deri më sot.
Siç e keni mësuar tashmë, Harry Styles dhe Aiello, janë dy ndër artistët tanë më të preferuar, që hitet e tyre kanë zënë gjithnjë një vend të veçantë në playlis-at e Top Albania Radios. Këtë javë ata vijnë me dy projektet e tyre respektive, “Matilda” dhe “Domani Torno”.
