Ibro Deli ia del që të na surprizojë edhe njëherë tjetër me projektin e tij të ri. “Viski Cola” vjen me një tekst interesant, videoklipi padyshim tjetër nivel, si dhe kostumografia na ka lënë me gojë hapur. Kjo javë sjell një artiste të re në listë por shumë të veçantë, Sahati. Duke qëndruar tek artistët e rinj, do të njihemi për herë të parë me bletapertace, një reper i ri i skenës sonë, por do të habiteni me talentin e tij.
Sa i përket rrymës rap dhe hip-hop, duket se po bëjnë namin momentalisht. Dy hite të tjera i bashkohen playlistës këtë javë; Ago me “Mënyra jetesës”, si dhe Dr1n & Ani të cilët rikthehen pas shumë kohësh me “Nintendo”. Vserlo nga ana tjetër sjell një risi me këngën e re, “3 vite pa ty”, pasi nuk vjen me zërin e tij natyral, por të modifikuar me Inteligjencën Artificiale. Po ashtu, “Lej ti lej”, kënga origjinale e Ada Satka, këtë herë vjen me remix-in e Arbër Lufo.
Powered by The Top List © / Top Awards
