![](https://www.topalbaniaradio.com/v7/wp-content/uploads/2023/08/albanian-playlist-1.jpeg)
Bjorni Linza është ndër artistët më të rinj të tregut muzikor shqiptar. Ai u prezantua me këngën e tij të parë, “Malet lëvizën”, dhe menjëherë hyri në “The Top List”. Tashmë ai vjen me projektin e tij të radhës titulluar “Oh Celebrate Him” në bashkëpunim me Yohanan. Kjo këngë, njësoj si projekti i tij i parë muzikor, është i zhanrit gospel, këngë kishtare. “Oh Celebrate Him”, Bjorni ia ka dedikuar burimit të jetës, Zotit. Por emri i tij nuk është tërësisht i panjohur në botën e artit. Bjorni ka qenë gjithashtu një nga skenaristët e filmit shqiptar “Red Lines”.
Luiz Ejlli sa vjen e po bëhet edhe më aktiv me karrierën e tij pas daljes nga ”Big Brother VIP”. Të gjitha këngët që ai ka publikuar pas daljes nga shtëpia më e famshme në Shqipëri kanë rezultuar mjaft të suksesshme. Projekti i tij i radhës mesa duket qenka një amanet për dikë të rëndësishëm në jetën e tij, pasi kënga e tij e re titullohet “Amanet”. Fansat mesa duket po numëronin minutat mbrapsht në seksionin e komenteve teksa kënga po publikohej. Reagimet e deritanishme janë mjaft të mira dhe si duket edhe suksesi i kësaj kënge do të jetë i garantuar.
Powered by The Top List © / Top Awards ©