Luiz Ejlli sa vjen e po bëhet edhe më aktiv me karrierën e tij pas daljes nga ”Big Brother VIP”. Të gjitha këngët që ai ka publikuar pas daljes nga shtëpia më e famshme në Shqipëri kanë rezultuar mjaft të suksesshme. Luizi përpos xhirimeve në filmin “Në kuadër të dashurisë”, ka realizuar edhe kolonën zanore të filmit. Kjo këngë mban titullin “Pa ty” dhe është e sigurtë që do t’ju shkrijë zemrat.
Fifi ka prezantuar së fundmi projektin e ri muzikor. Artistja nga Ferizaj ka sjellë këngën e re “Trëndafil Blu” në bashkëpunim me Ermal Fejzullahun. Projekti gjithashtu është realizuar edhe me një videoklip. Teksti është shkruar nga vet këngëtarja bashkë me Saia me muzikë të Marsel Gungës.
Tironci dhe Just X vijnë me bashkëpunimin e tyre të radhës. Kënga titullohet “Rezarta” dhe me shumë mundi është një dedikim kundrejt një personi mjaft të dashur për artistët. E mesa duket kjo ka qenë java e bashkëpunimeve, pasi edhe ZAZA x Evi Reci kanë sjellë së bashku një këngë mjaft ritmike titulluar “Mdo”.
Powered by The Top List © / Top Awards ©
