Ardit Cuni vjen në një bashkëpunim mjaft të veçantë me artistin e ri Klement dhe së bashku kanë sjellë një këngë, mjaft ritmike dhe energjike. Aldor Dore, një tjetë artist i ri në tregun shqiptar, ka sjellë projektin e tij të parë titulluar ¨Rastësisht¨. Edhe pse kjo është kënga e tij e parë, gjatë viteve ai ka realizuar disa cover-a të artistëve të tjerë në kanalin e tij në YouTube.
Edhe pse i ri në moshë, kjo nuk e ka ndaluar Klajvert të ketë një karrierë të suksesshme në tregun muzikor. Klajvert ka publikuar së fundmi projektin e tij të radhës titulluar ¨Dashuri¨. Rikujtojmë se, bashkëpunimi i tij me Lorenc Hasraman, ”Luj Luj”, në vitin 2023, e solli Klajvert në listën e Top Awards.
Artisti Semi vjen me një realizim të ri muzikor, titulluar ¨Buzët¨. Pjesa e hyrjes së këngës përmban refrenin nga kënga e njohur e Eranda Libohovës, ¨Buzët më ishin tharë¨, dhe më pas kënga vazhdon me tingujt dhe ritmin karakteristik të artistit.
Powered by The Top List © / Top Awards ©
