Këngëtari Luiz Ejlli ka publikuar projektin e tij më të ri muzikor, e cila quhet “Unë dhe ti”. Kjo baladë emocionuese ka prekur shumë zemra me fjalët e saj të ndjera dhe melodinë e saj të bukur. Kënga flet për një dashuri që nuk është më, duke sjellë një ndjesi melankolike dhe nostalgjie për ata që e dëgjojnë. Videoklipi, i realizuar në ngjyra bardh e zi, thekson emocionet e thella që përcjell këngetari, duke e bërë këtë projekt edhe më të veçantë.
Anxhela Peristeri vjen me një këngë mjaft të fuqishme, siç shquhet gjithmonë edhe për vokalet e saj, dhe titullohet “Historia”. Melodinë dhe arranzhimin e shkroi Kledi Bahiti, teksa për këtë këngë ka punuar si tekstshkrues vetë këngëtarja. Ky material u finalizua dhe është publikuar edhe me anë të një klipi muzikor.
Marin vjen në “Albanian’s Hot Top 30” këtë javë me dy projekte të reja. Njëri prej tyre është solo, ku mban titullin “Champagne”. Projekti tjetër vjen në bashkëpunim me Royce MVson, i cili titullohet “Foreign”. Të dyja këngët kanë stilin e veçantë të artistit dhe mesa duket ai ka synim për të bërë bashkëpunime të tjera internacionale.
Powered by The Top List © / Top Awards
