Drin Bejtja njihet në industrinë muzikore për publikimin e cover-ave të këngëve të artistëve të ndryshëm në YouTube, por kësaj here ai na surprizon duke ardhur me projektin e tij solo titulluar “Boll Për Ty”. Kënga është një baladë mjaft e ndjerë, ku nga teksti duket se është mesazh ndaj një dashurie të pamundur.
Dy aktorët e spektaklit më të famshëm të humorit në Shqipëri “Portokalli”, Akil dhe Visjan Ukcenaj, vijnë me bashkëpunimin e tyre të parë titulluar “Benz”. Dyshja e ka sjell projektin nën ritme të muzikës moderne, duke e gërshetuar me një videoklip ku shfaqen me veshje tradicionale e ndërkaq të xhiruar në qytetin e Shkodrës.
NINO, një artist i ri në tregun muzikor, vjen me projektin “Hotel”, të cilin ai e ka publikuar në YouTube bashkëngjitur me vizuale. Artistri vjen në rrymën rep dhe teksti i dedikohet lidhjes së tij që mesa duket nuk janë duke folur më me njëri-tjetrin. Nga ana tjetër, artisti i njohur Sergio vjen me një projekt të ri titulluar “Lambo”, ku si gjithmonë ai i mbetet besnik rrymës dhe ritmit të tij muzikor. Gjithashtu Big Basta vjen në “Albanian’s Hot Top 30” me projektin e tij “Leji armët”. Mesazhi i kësaj kënge vjen shumë i qartë që në titull, por edhe në videoklip artisti ka ilustruar se çdokush duhet ti thotë jo dhunës dhe të zgjedhë rrugën e mirëkuptimit dhe zgjidhjes së debateve me qetësi.
Powered by The Top List © / Top Awards
