Ronela Hajati ka publikuar këngën e saj të re titulluar “Shko”. Me një tekst mjaft të ndjerë dedikuar ndarjes, ky projekt do të jetë pjesë e albumit të saj të ardhshëm EP, “Bardh e Zi”. Elgit Doda dhe Elai kanë ardhur me një super bashkëpunim, titulluar “Mërzia”, hit që është bërë mjaft viral në rrjete të ndryshme sociale. Edhe kjo këngë do të jetë pjesë e albumit të ri rë Elgitit, të cilin ai e ka titulluar “Melomaniac”.
Luiz Ejlli sa vjen e po bëhet edhe më aktiv me karrierën e tij pas daljes nga ”Big Brother VIP”. Të gjitha këngët që ai ka publikuar pas daljes nga shtëpia më e famshme në Shqipëri kanë rezultuar mjaft të suksesshme. Pas suksesit të filmit “Në Kuadër të Dashurisë”, Luizi vazhdon të publikojë projekte të reja në muzikë. E tashmë ai ka lançuar këngën e tij më të re. “Ninulla e Vetmisë” mban titullin kënga e tij e radhës e sjellë në kanalin zyrtar në YouTube.
Artisti i njohur shqiptar, Majk, ka prezantuar së fundmi projektin e ri muzikor. “Lamtumirë” mban titullin kënga, të cilën e ka kompletuar edhe nga ana vizuale. Ky duket se do të jetë një projekt përmbyllës për këtë vit, i cili besohet se do të pëlqehet edhe nga publiku.
Powered by The Top List © / Top Awards ©