Elgit Doda së fundmi ka sjellë projektin e tij më të ri muzikor të titulluar “Me ty pa ty”. Sigurisht edhe tek ky projekt është siguruar që të na prekë telat e zemrës, ashtu si gjithmonë. “Me ty pa ty” është publikuar në YouTube vetëm pak ditë më parë, por ende nuk ka një klip zyrtar. Na mbetet të presim e të shohim nëse Elgiti do të na surprizojë më vonë!
Finem nga ana tjetër ka sjellë “Lutem”, një projekt i paralajmëruar prej pak kohësh dhe që fansat mezi po e prisnin. Po ashtu, duke qëndruar tek projektet që mezi po prisnim, ja ku vjen Killua me këngën e tij të re. “S.A.D” mban titullin projekti i tij që si gjithmonë sjell me vete dhe gjithë unikalitetin e tij.
Një hyrje e re për këtë javë është dhe Erik Lloshi. Ai ka bashkuar forcat me G-Bani për të sjellë “E amël asht'”, një projekt që padyshim mund ta quajmë një hit për këtë verë. Së fundi, por jo për nga rëndësia, kemi një rikthim në listë. Pas shumë muajsh mungese, Fifi rikthehet në listë me bashkëpunimin me Ronela Hajatin në “Hajde shpirti”.
Powered by The Top List © / Top Awards ©
