Duket se këtë sezon veror Dafina Zeqiri ka ‘hequr dorë’ nga këngët ritmike dhe po publikon vetëm projekte që i dedikohen dashurisë. Kështu ka qenë edhe dueti i radhës, të cilin ajo e ka realizuar me producentin Elgit Doda, që ‘mban fronin’ për të tilla këngë. Me anë të një postimi në Instagram, ata zbuluan dhe titullin e këngës, ‘Si mua je ti!’, derisa u bë publikimi zyrtar në YouTube.
David Dreshaj ka publikuar këngën e tij më të re titulluar “Alkool”, të cilën artisti e ka shoqëruar edhe me një videoklip mjaft interesant. Artistja e mirënjohur Aurela Gaçe nuk di të ndalet. Ajo ka ardhur me një projekt të ri. i cili titullohet “Se ti je”. Reperi Mato Lale i mbetet besnik rrymës së tij të veçantë muzikore edhe në këngën e re “Diamante”.
Genvis Muça, një producent mjaft i talentuar, ka realizuar një mashup të MC Kreshës dhe Butrint Imerit, së bashku me TR3NDY. Ky prjekt titullohet “Zhurmë”. Ledri Vula ka ardhur fuqishëm me krijimet e tij muzikore këtë sezon. Këtë javë në listë ai vjen me tri këngë: “2 Passaporta” ft. Vig Poppa dhe MC Kresha, “Win Win” ft. Capital T dhe “Rri”. RØN ka sjellë gjithashtu një këngë mjaft ritmike për të përmbyllur sezonin veror, titulluar “Po du”.
Powered by The Top List © / Top Awards ©
