Samanta Karavella bëri një periudhë pauze lidhur me karrierën e saj në muzikë që pas shpërnguljes në SHBA. Por duket se tashmë artistja po e kompenson të gjithë kohën e humbur dhe është rikthyer më fuqishëm se kurrë. Pas disa projektesh mjaft të suksesshme solo dhe në bashkëpunim, Samanta ka sjellë këngën e saj më të re që mban titullin “Kush je”.
Suksesi i Julio Imerit është i shpërndarë përtej kufinjve shqiptarë, por emri tij ka arritur “të godasë” Shqipërinë, jo vetëm për suksesin e tij, por edhe për faktin që Greqia po i jep një mbështetje dhe një vëmendje shumë të madhe. Pas disa coverave të artistëve më të njohur, Julio tashmë ka ardhur me projektin e tij “Ishim gjithçka”.
Një projekt mjaft i shumëpritur ka qenë ai mes Claydee, Elgit Dodës dhe Romeo e Donald Veshaj. “Habibi Lele” është publikuar vetëm para pak ditësh dhe premton të jetë padyshim një hit vere. Një tjetër hyrje e re e kësaj jave është bashkëpunimi mes Ledri Vula dhe Lumi B. “Mrena” arriti që të bëhej virale nëpër rrjetet sociale ende pa u publikuar. Por tani që është lançuar, interesi është akoma dhe më i madh.
Powered by The Top List © / Top Awards ©
