Këngëtarja e njohur Pink ka anuluar koncertin e saj madhështor në Bernë të Zvicrës, pasi gjendja e saj shëndetësore nuk duket e mirë. Këtë e ka konfirmuar stafi mjekësor i artistes, duke thënë se ajo duhej të pushonte më shumë pas turit të saj të koncerteve në Mbretërinë e Bashkuar. Nuk dihet ende saktësisht se çfarë ka ndodhur me Pink, por mendohet se marifetet e saj në skenë mund të kenë të bëjnë me të. Burimi i afërt me këngëtaren tha se:
Pink ka anuluar shfaqjen e saj në Bernë me urdhër të mjekut. Ajo ka punuar shumë dhe performancat janë gjithmonë me shumë marifete.
Kjo është hera e dytë e këngëtares që sëmuret në mes të turneut, pasi i ndodhi edhe gjatë turneut të saj në Britani të Madhe. Në qershor, vetëm disa orë para koncertit, ajo u tha fansave se nuk ishte mirë. Këngëtarja, ndau lajmin në një postim në Instagram se kishte një problem në stomak përpara koncertit në stadiumin Principality në Cardiff.
![](https://www.heyalma.com/wp-content/uploads/2022/12/pink-hed.jpg)
Së fundmi Pink ka reflektuar për këngët e saj të së kaluarës, duke ndarë në një intervistë për Los Angeles Times ato që ajo beson se janë këngët e saj më të këqija. Pink u shpreh se:
Më e keqja? Dua të them, ka pasur kaq shumë. Ndoshta ‘True Love” sepse është këngë e keqe. I detyrohem bashkëshortit tim një tjetër këngë dashurie.
Megjithatë, Pink shpejt shtoi një tjetër këngë në listën e saj më të keqe.
Oh prit, është edhe ‘We’ve Got Scurvy’ Do të doja që të mos e kisha publikuar kurrë. Ishte një gabim i madh.
Rikujtojmë, se Pink dhe Carey Hart janë të martuar që nga viti 200o. Dyshja kanë vajzën 12-vjeçare Willow dhe djalin 6-vjeçar Jameson.