Nëse keni presion të lartë të gjakut, të ushqyerit tuaj luan një rol të rëndësishëm në kontrollin e këtij problemi shëndetësor. Sipas Dr.Brittany Dan, fruti më i mirë për uljen e presionit të gjakut është banania. Si fillim, ato janë të pasura me kalium, një mineral që redukton efektet e natriumit në trup. Nëse hani një banane të vogël, mund të merrni rreth 422 miligramë kalium, që është rreth 9% e marrjes së rekomanduar.
Banania është gjithashtu e shkëlqyer për balancimin e lëngjeve dhe elektroliteve në trupin tuaj. “E ndihmon trupin të mbajë gjakun dhe vëllimin e lëngjeve gjë që më tej ndikon në ruajtjen e presionit normal të gjakut”- shpjegon Dr. Dan. Bananet përmbajnë pothuajse 10% të nevojave tuaja ditore për kalium dhe magnez, të cilat janë minerale thelbësore që krijojnë elektrolite. Kjo është arsyeja pse është gjithashtu e mrekullueshme pas stërvitjes, për t’ju bërë të ndiheni më pak të lodhur.
Përveç kaliumit, bananet janë të pasura edhe me lëndë ushqyese të tjera si vitamina B6, hekur, fosfor, zink dhe sheqerna natyrale, ndaj ka shumë arsye në favor të këtij fruti. rregullon tretjen, ndihmon me problemet e të gjithë sistemit kardiovaskular, stimulon prodhimin e antitrupave që luftojnë infeksionet, ndihmon kundër anemisë, përmirëson performancën sportive, zvogëlon ngërçet pas stërvitjes, ndrydh ndjenjën e urisë dhe përmban proteinën triptofan, e cila ndihmon serotoninën, hormonin e lumturisë, përgjegjësin për humorin e mirë.
Ndërkaq, çdo vit, njerëzit në mbarë botën konsumojnë mbi 100 miliardë banane, shumica e të cilave janë një lloj i quajtur Cavendish. Por ndoshta jo për shumë kohë. Një sëmundje kërpudhore kërcënon të zhdukë bananet Cavendish nga faqja e Tokës. Disa shkencëtarë po modifikojnë gjenetikisht frutin për të qenë më rezistent ndaj sëmundjeve. Por zgjidhja më e mirë për problemin është që fermerët të riparojnë plotësisht prodhimin e bananeve.
