Një tren pasagjerësh u përplas me një tren mirëmbajtjeje në Buenos Aires të Argjentinës këtë të premte, duke lënë të paktën 30 persona të shtruar në spital, dy prej të cilëve në gjendje të rëndë.
Shërbimi i urgjencës tha se zjarrfikësit kishin evakuuar të gjithë në trenin e pasagjerëve pas aksidentit në periferi të Palermos.
“Nuk ka viktima. Ndihmuam 90 pasagjerë, 30 prej të cilëve u transferuan në spitale, dy prej tyre me traumë në kokë të cilët u evakuuan me helikopter”, thanë zyrtarët.
Grupe shpëtimi punonin sot në vendin e një përplasjeje të rëndë hekurudhore, ku një tren pasagjerësh goditi një mjet hekurudhor mirëmbajtjeje në kryeqytetin e Argjentinës, Buenos Aires.
Mjeti hekurudhor i mirëmbajtjes ishte lënë në mënyrë të pashpjegueshme i ndaluar në binarë.
Zyrtarët thanë se 30 njerëz ishin plagosur, dy prej të cilëve në gjendje më të rëndë.
Zjarrfikësat kishin përfunduar evakuimin e pasagjerëve të trenit, pas aksidentit në zonën urbane të Palermo.
“Për fat nuk kemi viktima. Kemi kërkuar me qen të gjithë vagonët, ndihmuam rreth 90 pasagjerë, 30 prej të cilëve i dërguam në spital. Dy të plagosur kishin goditje më të rënda”, tha përfaqësuesi i zjarrfikësve Alberto Crescenti, nga vendngjarja.
Aksidenti ndodhi në orën lokale 10.30 të mëngjesit kur treni qytetar u përplas me trenin e mirëmbajtjes së hekurudhës që për arsye të panjohura ishte lënë në binarë.
“Për momentin nuk ka më shumë informacione për mekanikën e aksidentit”, tha kryebashkiaku i Buenos Aires, Jorge Macri, që kishte ardhur në vendngjarje.
