Këngëtarja shqiptare me famë botërore, Rita Ora, ka qenë e ftuara kryesore në natën e parë gjysmëfinale të Eurovision 2023 që po zhvillohet në Liverpul të Mbretërisë së Bashkuar. Rita bëri një shfaqje shumë energjike teksa performoi disa prej hiteve të saj më të mëdha për gjysmëfinalen e parë të Eurovisionit.
View this post on Instagram
Këngëtarja performoi gjithashtu këngën e saj të re “Praising You” për herë të parë live në ngjarjen e shumëpritur në një performancë spektakolare së bashku me 54 kërcimtarë. Në një postim prekës, Rita shpjegoi se asaj do t’i bashkohej në skenë balerina dhe refugjatja ukrainase Sofiia Kladko, 12 vjeçe, për performancën e saj. Ajo publikoi paraprakisht një fotografi të saj në prapaskenë me balerinën, e cila jeton në Warrington që nga viti 2022. Krahas fotografisë, ajo shkroi:
Kjo është Soffia, një kërcimtare dhe refugjate nga Rivne, në veriperëndim të Kievit. Ajo jeton në Warrington që nga viti 2022. Për mua, Soffia përfaqëson forcën dhe shpresën në këto kohë të trazuara, tragjike dhe të ndryshueshme. Ne nuk duhet të harrojmë privilegjin që ka Mbretëria e Bashkuar për të luajtur rolin e saj si komb pritës në Eurovision 2023 për Ukrainën pasi Kalush Orchestra fitoi konkursin vitin e kaluar. Gjendja e familjes së Soffias më kujton udhëtimin e jashtëzakonshëm nëpër të cilin kaloi familja ime kur isha në moshën e saj dhe se si do t’i jem përgjithmonë mirënjohës Mbretërisë së Bashkuar që na tregoi mirësi dhe dhembshuri. Soffia hap performancën time këtë mbrëmje duke luajtur me një top, që përfaqëson humbjen e fëmijërisë për këta refugjatë të varfër. Shpresoj që ky konkurs i mrekullueshëm i këngës të hapë zemrat në të gjithë Evropën dhe botën. Të duam Ukrainë, të gjithë do të performojmë sonte, për ty.
Pas një performance mjaft të zjarrtë që i la të gjithë të mahnitur, Rita ndau emocionet e saj përmes një postimi në llogarinë e saj në Instagram. Këngëtarja shkroi:
Uau, çfarë nderimi dhe një moment i plotë për të qenë në skenën kryesore duke performuar disa prej këngëve të mia të preferuara dhe këngën time të re, “Praising You”. Faleminderit ekipit, Liverpulit, Fatboy Slim dhe sigurisht juve, fansave të mi të jashtëzakonshëm. Shpresoj se ju pëlqeu aq shumë sa më pëlqeu mua të performoja. Ju dërgoj dashuri të gjithë atyre që po shikojnë në të gjithë Evropën dhe natyrisht në Ukrainë. Qëndroni të fortë, ne të gjithë ju duam.
View this post on Instagram
