Ky episod i “Selected By” do të jetë mjaft i veçantë pasi do të dëgjoni ritme muzikore të realizuara nga 2 Dj të huaj. Pa humbur kohë ju prezantojmë me të parin.
Ai quhet Miami Vegas dhe është me origjinë italiane. Pasioni për muzikën i nisi që në moshën 9-vjeçare ndërsa në vitin 2004 vendosi t’i hyjë studimeve për të mësuar profesionin e Dj. 29-vjeçari ka provuar teknika të ndryshme të të bërit muzikë por shumë shpejt e gjeti veten tek ajo ‘house’ dhe ‘deep house’.
Vitin e kaluar në ditët e vështira të karantinës, Miami Vegas i shfrytëzoi për të bërë muzikë dhe kështu lindën dy nga hitet e tij “Origami” dhe “Your Heart” ft. Ariel Jones. Këtë vit ai e nisi me këmbën e mbarë duke lançuar albumin muzikor “FAREWELL” në bashkëpunim me kolegët e tij Dj.
Sonte në “Selected By” do të dëgjoni disa nga përzgjedhjet më të bukura muzikore të tij kryesisht të rrymës ‘deep house’ për të cilat premton se të gjithë do t’i pëlqeni shumë.
