A keni parë ndonjëherë në pjesën e pasme të iPhone tuaj dhe keni vënë re një vrimë të vogël? Me siguri e keni parë mijëra herë pa e menduar shumë. Por nëse keni pyetur veten se për çfarë shërben, përgjigja është shumë e thjeshtë.
Në fakt, është një mikrofon i krijuar për të kapur zërin nga drejtimi me të cilin përballet lentja e kamerës. Zakonisht ka disa mikrofona në një “iPhone”, kështu që ju mund të keni një cilësi më të mirë të zërit tek videot tuaja. Njëra është në modulin e kamerës, tjetra është prapa grilës së altoparlantit dhe një e treta është në fund të telefonit. Kështu ka qenë që nga “iPhone 5”, i cili u lançua pak më shumë se një dekadë më parë.
Mikrofonët janë thelbësorë për shumë nga ato gjëra që ju mund të bëni në një “iPhone”. Si fillim, ato përdoren për t’ju lejuar të bëni telefonata, të regjistroni shënime zanore ose të kontrolloni Siri-n. Por Apple përdor gjithashtu “beamformers”, të cilët lejojnë mikrofonat të synojnë drejtime specifike. Apple shpjegon:
Hyrja e mikrofonit të integruar të një pajisje iOS përbëhet nga një sërë mikrofonash fizikë dhe formues rrezesh.
Është e rëndësishme t’i mbani mikrofonat e “iPhone”-it tuaj të pastër dhe pa mbeturina. Apple thotë në instruksionet e tij:
Nëse tingulli është i paqartë gjatë telefonatave, gjatë telefonatave FaceTime, në regjistrime video ose në aplikacione, mësoni se çfarë duhet të bëni. Pastroni mikrofonat. Hiqni çdo mbrojtës ekrani, film ose kasë nga iPhone juaj. Pastroni çdo mbeturinë nga hapjet e telefonit tuaj smartphone. Nëse zëri tingëllon ende i paqartë gjatë telefonatave, regjistrimeve ose aplikacioneve, kontaktoni mbështetjen e “Apple” për të diskutuar mbi opsionet e shërbimit.
