Pak javë më parë u njoftua se Brad Pitt shiti rezidencën ku jetonte me Angelina Jolie, por kjo nuk do ta bëjë atë të ndajë një shtëpi me të dashurën e tij të re Ines de Ramon. Prona që aktori e shiti për 39 milionë dollarë, ku kaloi shumë kohë me Jolie dhe gjashtë fëmijët e tyre.
TMZ raportoi se Pitt do të transferohet në Carmel të Kalifornisë, por për momentin nuk ka në plan të blejë shtëpi dhe nuk planifikon të jetojë me De Ramon edhe pse marrëdhënia e tyre po forcohet dita ditës.
Që nga nëntori i vitit 2022, disa media raportuan se Brad Pitt po takohej me Ines de Ramon, megjithëse asnjëri prej tyre nuk e konfirmoi lidhjen. Në janar 2023, çifti u pa duke dalë nga disa restorante së bashku, ndonjëherë të kapur edhe për dore.
Përveç kësaj, ai është parë i kapur për dore në vende si koncerti i fundit i Bonos në Los Angeles dhe paparacët i kapën duke u puthur në festën premierë të filmit të fundit të aktorit, ‘Babylon’.
Pitt dhe De Ramon shkuan për pushime së bashku në Meksikë, të dy u fotografuan teksa po pushonin pranë një pishine. Ines de Ramon është 29 vjeç, ka lindur në Shtetet e Bashkuara, është një stiliste bizhuterish dhe është drejtuese e shitjeve për Anita Ko Jewerly me qendër në Los Angeles. Ajo ka studiuar administrim biznesi në Universitetin e Gjenevës dhe shëndet ushqimor në Institutin e të ushqyerit Integrativ.
