Autoriteti më i lartë kushtetues në Francë aprovoi sot pasaportën shëndetësore të COVID-19 që kërkon dëshmi të vaksinimit ose testimit negativ për qasje në shumë vende publike.
Kjo pasaportë kontroverse që do të hyjë në fuqi nga e hëna, ka nxitur protesta masive ku kritikët e kanë akuzuar presidentin Emanuel Macron që po udhëheq një diktaturë shëndetësore.
![](https://www.topalbaniaradio.com/v7/wp-content/uploads/2021/08/58270719_303.jpg)
Por, Gjykata Kushtetuese tha se kufizimet e votuara në Parlament muajin e kaluar përfaqësojnë një balancë mes shqetësimeve për shëndetin publik dhe lirinë personale.
Vizitorët e disa qendrave tregtare dhe marketeve duhet gjithashtu të prodhojnë një pasaportë shëndetësore dhe në të njëjtën mënyrë duhet të veprojnë pacientët e spitaleve dhe shtëpive të kujdesit si dhe njerëzit që kërkojnë shërbime shëndetësore jo urgjente.
![](https://www.topalbaniaradio.com/v7/wp-content/uploads/2021/08/600x338_cmsv2_93100272-38b8-5884-9dd8-e9cb6a0e3e8b-5889198.jpg)
Por, mungesa e një pasaporte shëndetësore nuk duhet të bëhet pengesë për trajtimin e pacientëve, vendosi gjykata.
Gjykatësit larguan një dispozitë që ishte e përfshirë në Ligjin për Shëndetin, që do të lejonte punëdhënësit të largonin nga puna personat që nuk e kanë pasaportën shëndetësore.