Ende nuk ka asnjë reagim nga ana e Michael Jordan pasi djali Marcus Jordan konfirmoi për TMZ se është fejuar me Larsa Pippen. Në rast se nuk e keni kuptuar situatën, legjenda e NBA-së nuk e aprovon plotësisht vendimin e djalit të tij për të qenë me ish-bashkëshorten e Scottie Pippen. Por Marcus nuk i intereson, ai duket kokë e këmbë i dashuruar pas Larsa-s dhe tashmë i ka propozuar për martesë. Në një foto të fundit të çiftit, Pippen shfaqet me një unazë masive në gishtin e fejesës me Marcus të ulur në sediljen e shoferit të një automjeti. Nuk është më sekret, Marcus Jordan do të bëhet bashkëshorti i Larsa Pippen në një të ardhme të afërt.
Larsa Pippen and Marcus Jordan Spark Engagement Rumors as ‘RHOM’ Star Is Spotted Wearing Massive Ring https://t.co/kIRntrhRjd
— People (@people) August 18, 2023
Gjithçka që kemi nga Michael Jordan është ajo video e TMZ ku ai thotë se nuk e miraton lidhjen e djalit të tij me Larsa Pippen. Të mërkurën mbrëma, Marcus dhe Larsa ndoqën koncertin e Drake në Los Angeles Kia Forum. Aty e fejuara e lumtur ka treguar dhuratën e saj të re.
Ndërkohë, Michael Jordan nuk është parë pasi legjenda e NBA-së me siguri po qëndron sa më larg mediave. Pavarësisht këtyre pamjeve të qarta, as Marcus dhe as Larsa nuk e kanë shpallur zyrtarisht fejesën me të gjithë. Megjithatë, është mjaft e qartë se cilat janë planet e tyre dhe Michael Jordan duhet të jetë mjaft i lumtur për këtë. Marcus Jordan ka deklaruar tashmë se mosmiratimi i supozuar i babait të tij ndodhi kur ai ishte pak i dehur dhe ka të ngjarë të bënte shaka për këtë. Edhe pse MJ nuk ka dalë për të hedhur poshtë komentet e djalit të tij. Larsa Pippen, 45 vjeç, ishte e martuar me yllin e Chicago Bulls, Scottie Pippen dhe ka katër fëmijë me të.
