Së fundmi aktori Evan Peters ka folur për portretizimin e Jeffrey Dahmer. Ai u shpreh për “The Hollywood Reporter” se:
Duke bërë këtë rol, solla shumë errësirë dhe negativitet. Ishte thjesht të kishim atë qëllim përfundimtar në horizont, të dinim se kur do të përfundonim dhe më në fund të ishim në gjendje të merrnim frymë dhe të thoshim, ‘OK, tani është koha për të sjellë gëzimin dhe butësinë dhe për të parë komedi dhe romanca’.
Si pjesë e përgatitjes së tij për rolin, Peters tregoi se kishte veshur këpucët, xhinset dhe syzet e Dahmer-it për muaj të tërë dhe gjithashtu kishte mësuar stilin e ecjes së vrasësit. Ai shtoi se ishte i tmerruar kur e mori përsipër rolin.
Që nga publikimi, seriali ka marrë komente të ndryshme dhe madje ka ngjallur polemika. Mirëpo, seriali arriti të zërë vendin e parë gjatë javës së tij debutuese në Netflix dhe është bërë një nga shfaqjet më të shikuara ndonjëherë të shërbimit të transmetimit. Seriali ofron një vështrim më të afërt të viktimave të Dahmer, të paktën 17 burra dhe djem të cilët ai i vrau midis 1978 dhe 1991 në Milwaukee, Wisconsin.
Së fundmi, babai i vrasësit famëkeq Jeffrey Dahmer po konsideron të padisë Netflix për serialin rreth djalit të tij. Lionel thuhet se është i mërzitur që nuk u kontaktua kurrë në lidhje me serialin. Dahmer ishte gjithashtu i acaruar që Netflix nuk kërkoi kurrë leje për të përdorur regjistrimet në kasetë nga ekipi ligjor i djalit të tij të përdorura në dokumentarin “Conversations with a Killer: The Jeffrey Dahmer Tape”.
