Princi Harry ka treguar edhe një herë se sa mirë po e përqafon stilin e tij të ri në Los Angeles, duke pozuar zbathur në një fotosesion për Krishtlindje. Harry dhe Meghan ndanë sot foton e parë të vajzës së tyre Lilibet Diana, gjashtë muaj pasi ajo lindi në një fotosesion familjar me djalin e tyre 2-vjeçar Archie.
Duka dhe Dukesha e Sussex-it e kanë portretizuar veten në një mënyrë më të qetë që kur dhanë dorëheqjen si anëtarë të familjes mbretërore në janar të vitit të kaluar, dhe sot nuk ishte përjashtim. Harry u pa duke i buzëqeshur gruas së tij, e cila mbante vajzën e tyre duke qeshur, veshur me xhinse të grisura, një këmishë, byzylykë me rruaza dhe pa këpucë.
Anëtarët e familjes, të cilët aktualisht banojnë në një rezidencë prej 14.7 milionë dollarësh në Montecito, lëshuan kartolinën për të njoftuar se kanë bërë një donacion për disa bamirësi, duke përfshirë një organizatë që mbështet familjet e zhvendosura afgane. Fotografia familjare e relaksuar shfaq Archie, i cili ka trashëguar flokët e kuq të babait të tij, të veshur me xhinse si pjesa tjetër e familjes duke i buzëqeshur mamasë së tij ndërsa Meghan mban në krahë Lilibet.
Qasja më e relaksuar e Harry, u bë e qartë pasi ai shfaqi shputat e tij në një foto që njoftonte se ai dhe Meghan, po prisnin fëmijën e tyre të dytë në shkurt. Çifti zbuloi se po prisnin fëmijë, me një foto bardh e zi të tyre të ulur pranë një peme me dorën e Harry të vendosur nën kokën e Meghan, ndërsa ajo shtrihej në prehrin e tij me dorën e mbështetur në barkun e saj.
